المستشفى السعودي الالماني بعسير

تنومت مع بنتي عمرها سنه لمدة ٦ ايام، اول شي جيت الطواري وكانت بنتي تعبانه مره والممرض كان جداً سئ وماعنده اسلوب وقاسي صراحه حتى لو كان شغله بس طفله بعمر سنه مفروض يلعب معاها شوي ويعطيها الابره برقه مو وجه اسمنتي عموما بنتي خافت منه وبس تشوفه تبكي ، وطلبت ممرضين غيره وجابوا لي، في قسم التنويم، الممرضات الهنديات صراحه قاسيين بالنسبه لعمر بنتي صح انه شغلهم لكن شوي لطافه مع البيبي وقت الابره او الدواء صارت تخاف وتبكي اول ماتشوفهم ، فيه اهمال في موضوع التنظيف جدا عاملات النظافه اقولها تعالي نظفي تقول خلاص نظفت اول ، المسشتفى تحتاج اعادة ترتيب بالكامل كنت في غرفة vip ومع ذلك الغرفه فيها كركبه صراحه مثلا السرير بالوسط وفيه شاشتين وحده يمين ووحده يسار ! الكافيه اللي تحت ازودار العامل اللي فيه اسلوبه جدا جدا سئ ، لكن احب اشكر من كل قلبي الممرضتين من الجنسيه المصريه اساميهم اميره واميره كانوا جدا خلوقات ومتعاونات وبدلوا لبنتي الابره ومابكت يلعبون معها ويعطونها الابره بلطف وحبتهم وصارت ماتبكي منهم ..

مكان الانتظار ما يكفي لأربع مراجعات وحدث ولا حرج عن تأخير الدخول ع الأطباء ع الاقل ضعوا مكان مريح للانتظار وبدل لوحات استقبال واحد او اثنين ضعوا لوحات عيادة عظام او عيادة جلدية لان هذي اللوحات لاتغني ومواقف السيارات ضيقة

كانت تجربتي مع الدكتوره ولاء محمد طبيبه سعوديه جمعت كل الصفات من خلق وحسن تعامل إتقان لعملها كطبيبه اسال الله لها السعادة في الدارين ودوام التفوق والتميز بالنسبه الممرضات المصريات رائعات أما الممرضات من الجنسيه الهندية بالذات لاتعلم عن التمريض شيء مع لأسف النظافة جيده الوجبات مقبوله لكن يوضع الطعام في الصحون البلاستيكية يُعد شديدة الخطورة على الصحة. تتسبب الحرارة في تفاعل الكيماويات الموجودة في البلاستيك (مثل مادتَي BPA والفثالات) مع الطعام، وتزيد نسبة الخطر في الأطعمة الدهنية وهذا يتنافى مع كونك بالمستشفى لابد ان تكون معايير الصحة والجوده هي الاساس