W

كلاس المسبح مع الكوتش نوره ويستحق 5 نجوم واكثر متميزة وفقت ادارة النادي في اختيار الكوتش للتدريب على الكلاسات في المسبح لها الوقت مضى لم نحس فيه يتميز كلاسها بالحماس ووجودة وتوصيل المعلومه في التمرين اسلوبها مميز وتشد انتباه المتدربات طول الوقت حماس استخدمت تمارين اول مره نعرفها خرجنا من الكلاس وحنا في حماس ونشاط وفقت الادارة في الاختيار مستواى راقي جدا في التعامل

النادي الوحيد الي ما شفت مثل ارتفاع سعره

صار لي تقريبًا ٥ شهور مشتركة في الجيم، ومن أفضل الأشياء إني للحين مستمرة ومبسوطة جدًا باختياري 🤍 الجيم مرتب ونظيف ومريح، والموظفات جميعهم جدًا متعاونات ولطيفات وتعاملهم راقٍ، والمدربات حبوبات ومتعاونات، والكلاسات متنوعة وهذا الشي يخلي التمرين ممتع وما فيه ملل. وأخذت تدريب شخصي مع الكوتش روعة، وفعلاً من أجمل التجارب عندي في الجيم 🤍 روعة مو بس مدربة تعطيك تمارين وخلاص، لا، من أول ما تبدأ معك تحاول تفهم جسمك وطبيعته، عمرك، مستوى لياقتك، نقاط القوة والضعف عندك، ووش فعلًا يحتاج جسمك. تختار لك التمارين بطريقة تناسبك وتشرح لك الحركة وتعدل لك الأخطاء وتركز على التكنيك اللي يصنع فرق كبير. أكثر شي حبيته فيها إنها مهتمة فعلًا بتطورك، تتابعك وتشجعك و مريحة في التعامل، وصبورة، وتحس إنها تفرح معك بأي تقدم حتى لو كان بسيط. ما تعتمد على خطة واحدة لكل الناس، بالعكس تحس إن التدريب مصمم لك أنت واحتياج جسمك بالضبط، وهذا الشي بالنسبة لي فرق كثير. الكوتش روعة من الأشخاص اللي يخلوك تحب التمرين وتتحمسك تجي الجيم، صراحة ممتنة جدًا لها، وأعتبرها إضافة جميلة جدًا لتجربتي في الجيم 🤍 سعيدة إني اشتركت عندهم وأتمنى يستمرون على نفس المستوى وأكثر

الجيم ماشاء الله دايما نظيف وشرح وموظفات الاستقبال عسل دايم مايقصرون ولكن تمنيت ان يكون فيه تنوع بجنسيات الكوتش اكثر مايكون فيه حصر على جنسيه وحده غالبه مثل بدايه الجيم بالسنين الاولى لان هذا يرفع مستوى الجيم كثير واتمنى الحقيقه اشوف مستقبلا تعاون مع كوتش سعوديات من بنات بلدنا زي ماكان قبل مع كوتش سميه ماشاءالله تبارك الله وشكرا لكم