المستشفى السعودي الألماني بمكة المكرمة

أحب أشكر الدكتورة نادية محمد نعيم أشرف ، قسم النساء و الولادة 🤍 نصيحة من قلب: إذا وقت الولادة جاتكم دكتورة اسمها يبدأ بحرف الهاء ومصرية، اهربوا بكل ما أوتيتم من قوة كذلك أحب أشكر الدكتورة شاهينزا 🤍 كانت المسؤولة عن متابعة حملي بالأشهر الأخيرة دكتورة قمة في الرقي والهدوء من النوع اللي يطمنك بمجرد أسلوبها وابتسامتها، وتخليك تهدأي مهما كنتِ متوترة أو مهما كانت حالتك أما بالنسبة لغرف التنويم، أتمنى يكون فيه اهتمام أكبر بالنظافة، لأن للأسف كانت من أكثر الأشياء اللي ضايقتني أثناء التنويم. وبرضو موضوع الخروج كان مرهق جدًا يعني لو ولدتي الظهر أو العصر يخرجوكي بنفس اليوم قبل 12 الليل وما يعتبروا لك يوم كامل بالغرفة، وهذا شيء متعب جدًا بعد الولادة أو العملية، لأن الوحدة تكون فعلًا محتاجة ترتاح يوم كامل على الأقل. هل أكرر تجربة الولادة بنفس المستشفى؟ بصراحة كولادة غالبًا لا، خصوصًا بعد المواقف السيئة اللي مريت فيها خلال فترة الولادة و التنويم

كل الشكر والتقدير للممرضة فاطمة رمضان 💖 كانت معنا طوال فترة تنويم بنتي وما قصّرت أبدًا. رغم إن بنتي كانت متعبة ومعصبة من كثرة السحب والإجراءات إلا إن فاطمة تعاملت معها بصبر وحنية واحترافية عالية. كانت تتابعها كل ربع ساعة وتهدينا وتطمنّا وبفضل الله ثم شطارتها قدرنا نكمل جميع التحاليل والإجراءات كاملة. ممرضة تستحق كل الثناء والدعوات الله يسعدها ويعطيها العافية

من لا يشكر الناس لا يشكر الله .. ماشاء الله تبارك الرحمن اخصائية الاشعة فاطمة قبل ما اتكلم عن اختصاصها وكيف هي متقنته بالحذافير .. بتكلم عن الانسانية والرحمة اللي فيها .. عندي اشعة مقطعية بالصبغة وانا جاي ومتيقن ١٠٠٪؜ اني ما راح اسويها عشان انا خايف من حرارة الابرة والاعراض المصاحبة لها .. لكن الله يعطيها العافية ويجزيها الخير ما قصرت كانت متفهمة لوضعي وشرحت وكانت مثل الطبيب النفسي حقيقي ورحت برجولي سويت الاشعه وانا ساكت 🙂.. وبخصوص الممرضة (رادي ) عند تركيب الكانيولا كانت لازم تركب اكبر نوع عشان الصبغة والمحلول الملحي وحقيقي ما حسيت بالتركيب من خفة يدها ماشاءالله تبارك الرحمن